ಬಂದೇ ಬರತಾವ ಕಾಲ್‌

Jump to Comments

ಮಿಸ್ಡ್‌ ಕಾಲ್‌ ಬರೆಯುತ್ತದೆ,
ಪ್ರೀತಿಯ ಓಲೆಯನು
ಹೆಚ್ಚು, ಕಡಿಮೆ, ಮಧ್ಯಮ- ದರದ
ಹ್ಯಾಂಡ್‌ಸೆಟ್‌ಗಳ ಮೇಲೆ.
ಪ್ರೀತಿಗೆ ಎಲ್ಲವೂ ಸಮಾನ.

ಹಠಾತ್‌ ಸಿಗ್ನಲ್‌ ಬಿದ್ದರೆ
ಇರಬೇಕು ಅಕ್ಕಪಕ್ಕ
ಚೆಂದನೆಯ ಹುಡುಗಿಯರು,
ಹುಡುಗಿಗೆ ಎದುರುಗಡೆ ಸುಂದರಾಂಗ.
ಕ್ಷಣವೆಷ್ಟೇ ಕಳೆಯುತ್ತಿದ್ದರೂ
ಹಸಿರು, ಹಳದಿ, ಕೆಂಪು
ದೀಪಗಳು
ಮಧುಚಂದ್ರನ ಪ್ರತಿಫಲನ,
ಯಾರಿಗೋ ಕಾಲ್‌ ಬರುತ್ತದೆ,
`ಆಹಾ ಎಂಥ ಮಧುರ ಯಾತನೆ’

ಮಳೆಯ ಸುರಿವಿಗೆ ಹೆದರಿ
ವ್ಯಾನಿಟಿ ಬ್ಯಾಗ್‌ನಿಂದ
ಕೊಡೆ ಹೊರಬರಬಾರದು,
ಮಳೆಯ ಹನಿಗೆ
ಹೆರಳು ಹೆಣಿಕೆ,
ಪಕ್ಕದಲ್ಲಿ ಪ್ರಿಯನ ನಡಿಗೆ,
ಈ ಸುಮಧುರ ಸಮಾಗಮಕ್ಕೆ
ಇಬ್ಬರ ಮೊಬೈಲ್‌ನ
ರಿಂಗ್‌ಟೋನೇ ರೀರೆಕಾರ್ಡಿಂಗ್‌.

ಆಸ್ಪತ್ರೆಯ ಒಳಗಿದ್ದಾಗ
ಪ್ರಿಯಕರ ಫೋನ್‌ ಬರಬಾರದು,
ಹಾಸಿಗೆ ಮೇಲೆ ಮಲಗಿದ
ನಿಸ್ತೇಜ ಕಣ್ಣುಗಳು ಮಂಜಾಗುತ್ತವೆ.
ಒಳಗಿರುವ ಪ್ರಿಯತಮೆಯರ
ಪ್ರಿಯಕರರ
ಫೋನ್‌ಗಳಿಗೆ ಸಿಗ್ನಲ್ಲೇ ಸಿಗಬಾರದು,
ಎಷ್ಟಾದರೂ
ವೃದಾಪ್ಯಕ್ಕೆ ಹರೆಯ
ನಡುವೆ ನಾಟ್‌ ರೀಚೇಬಲ್‌!

4 Comments

Filed under Uncategorized